Samichlaus

Chum semmer los, hämmer scho werder es 8 beinigs Schlusslicht gha, das het sich bes am Schluss au nie gänderet. De Leon met Sitestächer, de Eldion, de Colin und De Aki als sini Liebwächter. 

Nach öbere Stund semder denne Endlich acho. Läck esch das es glätsch gsi uf dem Wäg. DANI gots no lang, Dani mer send ja scho so lang gloffe. Dani ich mag jetzt denne nömme. Aber oh Wunder alli send acho und ned mol eine het en Blotere gha.

S warte ufde Chlaus het esch met Chips und eme Coci öberbrökt worde. Nur ergend wie esch er denne ebe glich ned so schnell cho und de Jungs esches relativ schnell langwielig worde eifach nur so am Tisch z hocke. Also alli ab uf de Berg.

Jetzt chont de beschti, de Chlaus und sin Lauch chont zu eus und de Eldion und de Colin send verscholle, händ de Wäg nöme gfunde zu eus. Mues aber säge sie send chli Schieshase gsi, send nöme de Berg abe cho sondern send rechs ume gloffe.

Es esch ja eigentlich weder sehr lustig gsi, nur d Fersli vode Kids werded alli Johr schlemmer fend ich. Eis het zum Bispiel gheisse:

Samichaus du Strossepenner chaufsch dini Eier immer no im Denner.

und das esch ja no fascht s anständigste gsi. D Lüt händ einfach kei Rspäckt me. Debi händ die beide doch alles geh, för jede SHARKI hets ergen en öbename geh oder en anecktote vode Vorrondi. Vo de Lüt wo vell säged ufem und nebem Platz überd Chüschelis (Colin Ensar) zu dene metem Putze Mul( Muffin) zude Kampfsäu (Robin) bis zum Mitster Fehlpass hets allles geh. Aber au de Gfrörli (Georges) oders Gspengst (Serkan) esch vor cho. Also mues säge de Samichlaus het sich mächtig is züg gleit gha. Aber au de Schmutzli, het alles geh, er het sogar no jedem Chend en Läbchueche gmacht. Ich denke bim nächste Mol müend Kind chli besseri Spröchlis lerne. Aber wies so esch, alles het mol es Endi. Zum Schluss aber no de einti oder anderi Schnappschuss.

Sorry han no was vergesse, zum einte esch am Schluss no en Frau cho und het  eus gseit das es do fahrverbot esch wo stönd. Jo danke mer wösseds. Aber Polizei chonnt emmer het sie no gmeint. Ja esch guet. Aber jetzt chömed  jo no meh Autos,jetzt send scho 4! Ja mer wössed dases Fahrverbot  esch, esch guet. ABER, Nei es esch jetzt guet sie chönd witer laufe.

GRRR esch das en tummi Schnäpfe gsi. Aber denne gits no die wo ned wössed wosi ane Müend, fahred fascht bes uf Dütschland :). Debi esch ja Stilli ned wörkli gros. Aber bes am Schluss send alli acho. Und denne no öpis letschts. D Fotis send ned de Hammer, ergend was het sich verstellt bide Kamera, nächst mol settets weder besser si. Also schöne fresstäg und bis nächscht Johr. Winke Winke

Nei esch natürli noni Schluss, ha jo no was vergesse, de chaus het allne no es Liebli verbie brocht höt S Meister SHARKS liebli. do händ denne Kids also Freud gha. :) Aber jertzt esch endgültig finito. Capito